Category Archives: Sin categoría
Subvencións a entidades deportivas da Secretaría Xeral para o Deporte
Hoxe, venres 20 de agosto, publicouse no Diario Oficial de Galicia a RESOLUCIÓN coas listaxes definitivas de entidades beneficiarias das subvencións para actividades deportivas e medidas COVID (procedemento PR945C), así como as solicitudes denegadas por non acadar a puntuación mínima, e as inadmitidas e desistidas da súa petición.
Os beneficiarios poden solicitar o cobro da axuda e achegar a documentación xustificativa a través da sede electrónica a partir de mañá sábado 21 de agosto.
Recoméndase ler a “GUÍA” que está dispoñible xunto coa Resolución de beneficiarios no seguinte enlace.
Campionato de España Individual de Xadrez Rápido 2021
O Campionato de España de Xadrez Rápido celebrouse durante o día 14 de agosto no Complexo Polideportivo “la Salobreja” de Jaén e contou cá participación de 205 xogadores.
O valenciano Eduardo Iturrizaga Bonelli proclamouse campión absoluto con 7,5 puntos. Íñigo López Mulet de Extremadura e Ángel Espinosa Aranda de Madrid completaron o podio, cós mesmos puntos que o gañador do torneo, como segundo e tercer clasificado respectivamente.
O xogador galego mellor clasificao foi o GM Iván Salgado López (Club Deportivo Xadrez Ourense) con 7 puntos e o 7º posto.
Enlace a Info64.
Campionato de España Individual de Xadrez Lóstrego 2021
O Campionato de España de Xadrez Lóstrego, cá participación de 242 xogadores, disputoise durante a tarde do día 13 de agosto no Balneario de Marmolejo, Jaén.
O xogador da Federación Valenciana, Francisco Vallejo Pons, proclamouse campión absoluto con 8 puntos. O xogador galego e GM Iván Salgado López do Club Xadrez Ourense obtivo o tercer posto con 7,5 puntos.
Enlace a Info64.
Campionato de España por Equipos de Club de Segunda División 2021
O Campionato de España por Equipos de Club de Segunda División celebrouse do 09 ao 13 de agosto nos salóns do hotel “RL Aníbal” de Linares, Jaén. O campionato disputouse por sistema suizo a 7 roldas e 5 taboleiros cunha participación de 48 equipos.
O equipo aragonés “Myinvestor Casablanca” proclamouse campión con 12 puntos, mentras que o equipo andaluz “Oromana CEN Solutions” ocupou a segunda praza con 11 puntos.
O equipo galego Circulo Ferrolán de Xadrez obtivo 8 puntos e o 23º posto.
Enlace a Info64.
Enlace a Chess24.
XVIII Campionato de España Individual de Veteranos 2021
A Federación Española de Ajedrez a través da súa circular 25/2021 convoca o XVIII Campionato de España Individual de Veteranos 2021.
Toda a información, neste enlace.
Campionato de España Sub-18 e Sub-18 rápidas 2021
A aragonesa María Eizaguerri Floris proclamouse Campioa do Campionato de España Sub-18 con 7,5 puntos en 9 roldas. María convertiuse na primeira muller en proclamarse campioa de España en categoría absoluta a ritmo tradicional. Empatados a 7,5 puntos, o catalán Guerau Masagué Artero conseguiu o subcampionato, mentras que o xogador navarro Juan Labiano Hernández ocupou a terceira posición.
Na clasificación feminina, Lulu Zhou de Madrid como subcampioa e Adhara Rodríguez Redondo de Canarias como terceira clasificada, ambas empatadas a 6 puntos, acompañaron no podio á campioa María Eizaguerri Floris.
O xogador galego mellor clasificado foi Andrés Rodríguez Ferreirós (Xadrez Fontecarmoa) con 6,5 puntos e o 15º posto.
Enlace a Info64
O madrileño Gabriel Quispe Arteaga proclamouse campión do Campionato de España Sub-18 Rápido con 7,5 puntos de 9 posibles. Cós mesmos puntos, o catalán Pedro Antonio Ginés Esteo conseguiu o subcampionato, mentras que o xogador de Murcia Aaron Alonso García ocupou a terceira posición.
Na clasificación feminina, a catalana Joana Ros Alonso alzouse cá victoria con 6,5 puntos. Viviana Galván Cipriani de Valencia (6 puntos) e María Eizaguerri Floris de Aragón (6 puntos) finalizaron na segunda e terceira posición respectivamente.
O xogador galego mellor clasificado foi Artai Bringas Gómez (Xadrez Laroca) con 7 puntos e o 5º posto.
